БАС МҮФТИ ҚАЗАҚСТАН ХАЛҚЫНЫҢ БІРЛІГІ КҮНІМЕН ҚҰТТЫҚТАДЫ (ФОТО)

Қазақстан мұсылмандары діни басқармасының 35 жылдық мерейтойы аясында елордада дініміз бен дәстүріміздің сабақтастығының үлгісі, бірлік пен жылулықтың мейрамы, Ұлыстың ұлы күні Наурыз мейрамын атап өтуге бағытталған «Әз-Наурыз – ырыс пен ынтымақ мерекесі» атауымен өткен рухани-мәдени іс-шарада ҚМДБ Төрағасы, Бас мүфти Наурызбай қажы Тағанұлы барша жамағатты Қазақстан халқының бірлігі күнімен құттықтады.

Қазақстан халқының бірлігі күні – ел ішіндегі бейбітшілік пен татулықты, әртүрлі этнос өкілдерінің өзара сыйластығы мен ынтымағын айшықтайтын маңызды мереке. Біз бірлігі бекем ел ғана берекеге кенелетінін жақсы түсінуіміз керек. Бұл – Алланың бізге берген ең үлкен нығметтерінің бірі, – деді Бас мүфти.

Наурызбай қажы Тағанұлы ұлттық бірлік пен рухани тұрақтылықты сақтауда барша дін қызметкерлерін белсенді болуға шақырып, ел амандығы мен тұтастығы үшін тілектестігін білдірді.