БАС МҮФТИ БАБАЛАР РУХЫНА ҚҰРАН ХАТЫМ ДҰҒАСЫН ЖАСАДЫ (ФОТО)

Бүгін Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы елордадағы тарихи «Қараөткел» зиратына арнайы барып, бабалар рухына Құран хатым бағыштап, дұға жасады.

Рухани шара барысында Бас мүфти Наурызбай қажы Тағанұлы: «Еліміздің азаттығы мен тәуелсіздігі жолында құрбан болған барша ата-бабаларымызды, ер жүрек батырларымызды Алла мейіріміне алсын », – деп дұға етті.

Айта кетейік, елордадағы «Қараөткел» мұсылмандар зиратында Кенесары ханның 200-ге жуық сарбазы, Алаш арысы Әлихан Бөкейханұлының күйеубаласы, қоғам және мемлекет қайраткері Смағұл Сәдуақасов, сондай-ақ діни-ағартушылық жолда елге есімі мәлім болған Ақтамақ қалпе сынды тарихи тұлғалар жерленген.