БАС МҮФТИ ЖҰМЫС САПАРЫМЕН МЫСЫР АРАБ РЕСПУБЛИКАСЫНА КЕЛДІ

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы жұмыс сапарымен Мысыр Араб Республикасының астанасы — Каир қаласына барды.

Сапар аясында Бас мүфтиді Каир халықаралық әуежайынан Мысыр Араб Республикасы мүфтиінің бірінші орынбасары, доктор Әли Омар мырза қарсы алды. Кездесу барысында қонаққа көрсетілген құрмет пен ілтипаттың белгісі ретінде Мысыр тарапы халықаралық деңгейдегі маңызды форумға арнайы шақыруды қабыл алғаны үшін алғыс білдірді.

Айта кетейік, Наурызбай қажы Тағанұлы Мысыр Араб Республикасы Президенті Әбдел Фаттах ас-Сисидің қамқорлығымен өтетін «Заманауи сын-қатерлер жағдайында пәтуа беру және адам болмысының тұтастығы» тақырыбындағы халықаралық форумға қатысып, баяндама жасайды.

Сонымен қатар, жұмыс сапары барысында Бас мүфтидің Мысыр жерінде білім алып жатқан қазақстандық студенттермен, сондай-ақ бірқатар ресми тұлғалармен кездесулері жоспарланған.






​

Дереккөз: ҚМДБ Баспасөз қызметі