JAS QARI JAŃA KÓLIK JEŃIP ALDY (FOTO)

Qyzylorda qalasyndaǵy «Aqmeshit-Syrdarııa» meshitinde Qazaqstan musylmandary dinı basqarmasynyń uıymdastyrýymen Quran Kárimdi jatqa jáne mánerlep oqýdan HI respýblıkalyq baıqaýy máresine jetti.

80 úmitker qatysqan baıqaýdyń jeńimpazdary men júldegerlerin marapattaý rásimine QMDB tóraǵasy, Bas múftı Naýryzbaı qajy Taǵanuly, saýapty is-sharaǵa demeýshilik jasaǵan Baharıdın Ablıazımov, zııaly qaýym ókilderi qatysty.

«Allaǵa sansyz shúkirler bolsyn, jasynan Quran jattaǵan qarılardyń baıqaýyn qorytyndylap, marapattap otyrmyz. Osy baıqaýdy ótkizýge atsalysqan QMDB ujymy men Qyzylorda oblystyq ókildigine, qarılardy bastap kelgen oblystardyń bas ımamdary men barsha din qyzmetkerlerine, sonymen qatar demeýshi bolǵan Baharıdın Nuǵmanulyna, Sádýaqas Oljabaev qarıymyz bastaǵan ádilqazy múshelerine alǵysymdy bildiremin. Baıqaýǵa qatysqan qarılarymyzdyń bári jeńimpaz atandy dep sanaımyn. Óıtkeni bul baıqaý árbir qarıǵa úlken jiger syılady. Júldelerińiz qutty bolsyn» dedi Bas múftı marapattaý sátinde.

QMDB Tóraǵasy baıqaýdy uıymdastyrǵan azamattar men ádilqazy múshelerin alǵys hatpen marapattady.

Sonymen qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:

«Mánerlep oqý» boıynsha:

I oryn ( 700 000 teńge) – Arman Jambyluly (Atyraý oblysy)

II oryn (500 000 teńge) – Azamjan Ysmaıyl (Astana qalasy)

III oryn (300 000 teńge) – Baýbek Bekturǵanov (Almaty qalasy)     

«10 para» boıynsha:       

I oryn (1 500 000 teńge) – Esimbek Arsen (Qaraǵandy oblysy)     

II oryn (1 000 000 teńge) – Ermek Jumanazarov (Mańǵystaý oblysy)

III oryn (750 000 teńge) – Sadrıddın Abdýkarımov (Shyǵys Qazaqstan oblysy)

«20 para» boıynsha:

I oryn (2 000 000 teńge) –  Akmal Raqymqulov (Almaty oblysy)

II oryn (1 500 000 teńge) – Abdýlbaqı Abdılazız (Almaty qalasy)

III oryn (1 000 000 teńge) – Igilik Islamnury (Túrkistan oblysy)

III oryn (1 000 000 teńge) – Muhammed Yǵylman (Mańǵystaý oblysy)

«30 para» boıynsha:

I oryn (avtokólik) – Imanáli Myrzageldi (Jambyl oblysy)

II oryn (3 000 000 teńge) – Nyǵmatýlla Abdazımov (Almaty qalasy)

III oryn (2 000 000 teńge) – Raýashan Habıbolla (Batys Qazaqstan oblysy)

IV oryn (1 000 000) – Nurtileý Seıitqasym (Almaty oblysy)

V oryn (700 000) – Abaı Shyńǵysuly (Qostanaı oblysy)

Al «Kórermen kózaıymy» atalymy boıynsha yntalandyrý syılyǵy (500 000) Qyzylorda oblysynan qatysqan Aıýbaı Nur-Muhammed qarıǵa buıyrdy.  

Eske sala keteıik, eki kúnge sozylǵan Quran baıqaýy «Munara TV» telearnasynan tikeleı Efırde, «Mýftııat QMDB» YouTube-arnasynan jáne Múftııattyń Instagram-daǵy @muftiyatkz paraqshasynan onlaın kórsetildi.