Jamaǵat namazyn shekteý týraly sheshim ýaqytsha kúshinde qaldy (FOTO)

Bul týraly elordada Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly málimdedi.

«Árbir oblystaǵy karantın jaǵdaıynyń deńgeıi ártúrli. Biz Bas sanıtar dárigerdiń karantın rejıminiń kezeń talaptaryn saqtaý jaıly qaýlysyn ustanamyz. Sonymen qatar óńirlerdiń koronavırýs ınfektsııasynyń taralýyna jol bermeý jónindegi jedel shtabtyń qaýlysyna sáıkes jumys júrgizemiz. Demek qaýlyǵa sáıkes, aımaqtaǵy meshitterimizdi kezeń-kezeńmen ashamyz.

Karantın talaptaryn saqtaý úshin jamaǵatpen oqylatyn bes ýaqyt, juma, taraýyq namazdaryna qatysty qoıǵan ýaqytsha shekteýdi óz kúshinde qaldyryp otyrmyz. Bul – siz ben bizdiń, óz otbasymyz ben eń jaqyn týystarymyzdyń densaýlyǵy men ómiriniń ıgiligi úshin qabyldanǵan shara. Al jamaǵatpen oqylatyn namazdardyń merzimin aldaǵy ýaqytta qosymsha habarlaımyz» dedi Naýryzbaı qajy Taǵanuly.

​