«Yryskeldi qajy» meshitinde qaıyrymdylyq jasaldy (FOTO)
QMDB-nyń Nur-Sultan qalasy ókildigine qarasty «Yryskeldi qajy» meshitinde muqtaj otbasylarǵa qaıyrymdylyq jasaldy. Igi sharaǵa qatysqan Nur-Sultan qalasynyń jáne respýblıkalyq «Áziret Sultan» meshitiniń bas ımamy Erbolat Júsipov arnaıy azyq-túlik salynǵan sómkelerdi kelýshilerge úlestirdi.
Sondaı-aq, sharany uıymdastyrýshy Áıel-qyzdar sektoryna jáne «Yryskeldi qajy» meshitiniń bas ımamy Jaqııa qajy Ismaıylovqa óz rızashylyǵyn bildire kele qaıyrymdylyq jumystaryn jandandyra túsý qajettigin qaperge saldy.
Esterińizge sala ketsek, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasyna sáıkes búkil respýblıka ımamdaryna bekitilgen jeti baǵyttyń biri osy qaıyrymdylyq jumystary bolyp esepteledi.
Jalpy ótken jyly da qaıyrymdylyq sharalary az bolǵan joq. Ásirese, pandemııa kezinde Elorda ımamdarynyń halyqpen tyǵyz jumys istegenin aıta ketken jón. Alla násip etse, ıgi sharalar men bastamalar osy jyly da jalǵasyn tappaq.
