Túrkistanda tórt qabatty meshittiń qurylysy bastaldy (FOTO)

Saıram aýdanynyń ár aýylynda 50-60 myń adam turady. Meshiti de, jamaǵaty da kóp. Erterekte ár kósheniń basyna salynǵan kishigirim namazhanalardyń ózi bosamaıdy.

Bir ǵana Qarabulaq aýyldyq okrýginde 22 meshit, 24 namazhana bar. Tek 4 meshitte juma namazy oqylady. Jergilikti jamaǵat eski namazhanalardyń ornyna jańadan meshit turǵyzýǵa peıildi.

Aýyldaǵy «Jalal baba» meshiti qaıta salynyp jatyr. Eski ǵımarattyń ornyna tórt qabatty meshit boı kóterip keledi. Qurylysty jamaǵat pen demeýshiler qarqyndy júrgizýde. Aýylda jer tapshy bolǵandyqtan, kóp qabatty etip salý kózdelgen. Bul DSAK bólmesi, ashana, namazhanasy bar keshendi meshit bolady.