TÁÝELSIZDIK KÚNINE ORAI QAIYRYMDYLYQ JASALDY (FOTO)
Búgin elordadaǵy «Ar-Rahman» meshitinde qala bas ımamy Erbolat Júsipovtiń qatysýymen Táýelsizdik kúnine oraı qaıyrymdylyq is-sharasy ótti.
Táýelsizdik kúnine jáne QMDB 35 jyldyǵyna oraı «Áziret Sultan» meshitiniń uıymdastyrýymen ótken ıgi shara barysynda 35 otbasy azyq-túlikpen qamtamasyz etildi.
Eń aldymen qala bas ımamy jurtshylyqty aıtýly merekemen quttyqtap, otbasylaryna amandyq tiledi: «Táýelsizdik – bul úlken qundylyq. Babalarymyz qanshama jyldar boıy osy kúndi ańsady. Biz Allaǵa shúkir mine sol táýelsiz elde baqytty, tynysh ómir súrýdemiz. Bul úlken nyǵmet. «Kimde-kim tańerteń mal-jany, otbasy aman-esen, deni saý, aýrý-syrqaýdan ada, bir kúndik azyǵy, iship-jemi bar hálde oıansa, dúnıeniń barlyǵyn ıelik etkenmen teń» degen ardaqty Paıǵambarymyz. Sondyqtan kóp shúkir eteıik. Elimiz aman, jurt tynysh bolsyn. Sizderge jomart jandardyń demeýimen berilip jatqan syıymyzdy qabyl alyńyzdar», dedi Bas ımam.
Источник: Aisha
