Tarbaǵataıda medrese qurylysy bastaldy (FOTO)

Shyǵys Qazaqstan oblysy, Tarbaǵataı aýdany, Aqjar aýylynda medrese qurylysy bastaldy. Bul týraly Aqjar aýylyndaǵy «Baıjigit baba» meshitiniń Bas ımamy Amankeldi Jarasov habarlady.

«Óńirdegi din mamany tapshylyǵyn sheshý maqsatynda shaǵyn medrese qurylysyn bastadyq. Bul iske aýyl halqy men belsendi azamattar atsalysyp jatyr. Tarbaǵataı jeri burynnan ata dinimizdiń altyn arqaýy úzilmegen ólke bolǵandyqtan asyl dinimizdiń oqý orny bolýy mańyzdy. Alla qalasa jumys josparlanǵan ýaqytta aıaqtalady», – dedi Amankeldi Jarasov.

Qazirgi ýaqytta qurylys jumysy qarqyndy júrip jatyr.

​