Tarazdaǵy ǵylymı konferentsııa aıaqtaldy (FOTO)
Taraz qalasynda ótken Atlah shaıqasynyń 1270 jyldyǵyna arnalǵan ǵylymı-tanymdyq halyqaralyq konferentsııa aıaqtaldy.
Konferentsııanyń ekinshi bóliminde tarıh ǵylymdarynyń doktory, professor, akademık, shyǵystanýshylar sóz sóılep, tyń derekterimen bólisti. Atap aıtsaq, Nur-Múbárak ýnıversıetiniń rektory, professor Muhammad Shahhat ál-Jındı, shyǵystanýshy, tarıh ǵylymdarynyń doktory Bolat Kómekov, tarıh ǵylymdarynyń kantıdaty Dáýlethan Álimǵazy, Kýveıt halyqaralyq ýnıversıtetiniń rektory, tarıh ǵylymdarynyń doktory Asan Ormýshev Atlah shaıqasynyń tarıhı máni men jeńisi jaıly baıandama jasady.
Jıynǵa qatysýshylar arasynda onlaın sóz sóılegen qonaqtar da boldy. AQSh-taǵy Garvard ýnıversıtetiniń professory Nurlan Kenjeahmet, Ózbekstan Ulttyq ǵylym akademııasy Shyǵystaný ınstıtýtynyń ǵylymı qyzmetkeri Ferýza Jumanııazova, L.Gýmılev atyndaǵy EUÝ professory Áshirbek Múminov, Baký memlekettik ýnıversıetiniń oqytýshysy, professor Ahmed Nııazov Shyǵys derektemelerindegi Taraz, Atlah, Aqyrtas qalalary men Atlah shaıqasyndaǵy saıası ustanym, dinı maqsat-mindetterdi sóz etti.
Nur-Múbárak Ýnıversıtet janyndaǵy Ábý Hanıfa ǵylymı-zertteý ortalyǵynyń dırektory Shámshádın Kerim men dintaný ǵylymynyń Phd doktory Muhan Isahan Talas ǵazaýatyn dinı turǵydan baǵalaý krıterıleri men dinı tulǵalar jaıyn tilge tıek etti.
Konferentsııa sońynda Úndeý jarııalanyp, is-shara qorytylandy.
