Talǵarda kópir qoldanysqa berildi (FOTO)
Bıyl Qazaqstan musylmandary dinı basqarmasynyń qurylǵanyna 30 jyl toldy. Mereıtoıdyń qurmetine QMDB Tóraǵasy, Bas múftı Naýryzbaı qajy Taǵanulynyń bastamasymen «30 jyldyqqa 30 ıgi shara» naýqany aıasynda respýblıka boıynsha birqatar is-sharalar qolǵa alynǵan bolatyn.
Kezekti sharanyń biri Talǵar aýdanynda ótti. Aýdanǵa qarasty Taldybulaq pen Birlik aýyldaryn jalǵaıtyn kópir el ıgiligine berildi. Igi sharaǵa QMDB-nyń Qaıyrymdylyq jáne ýaqyp isteri bóliminiń meńgerýshisi Kamaljan qajy Bekbosynuly arnaıy kelip, Bas múftı Naýryzbaı qajy Taǵanulynyń ystyq yqylasyn jetkizdi.
Almaty óńiriniń bas ımamy Qýanysh qajy Baqytbekuly mereıtoı qurmetine jasalǵan oblystaǵy ekinshi kópir ekendigin aıtyp, óńir boıynsha basqa da birqatar sharalardyń júrip jatqandyǵyn jetkizdi.
Al Talǵar aýdanynyń ımamy Qajymuhan Qambaruly kópir salýǵa qoldaý kórsetken barsha azamattarǵa alǵysyn bildirdi.
