«Shymkent» medrese-kolledjiniń túlekteri emtıhan tapsyrdy (FOTO)

Búgin «Shymkent» medrese-kolledji túlekteriniń qorytyndy emtıhany ótti. Bıyl memlekettik emtıhan álemge dúrbeleń salǵan  COVID-19 juqpaly indetine baılanysty  tuńǵysh ret emtıhan onlaın negizde júrdi.

Emtıhandy memlekettik attestatsııalaý komıssııasynyń tóraǵasy, QMDB Bas múftıdiń keńesshisi Baltabaı Mekejanov, músheleri, QMDB Dinı bilim jáne kadr daıyndaý bóliminiń meńgerýshisi Smaıyl Seıtbekov, QMDB-nyń Shymkent qalasynyń bas ımamy Baqdáýlet qajy Abdrahmanov, dırektordyń oqý isi jónindegi orynbasary, arnaıy pánder oqytýshysy Anarqul Syrmanov jáne arnaıy pánder boıynsha oqytýshy, hatshysy Dıara  Tashpýlatovalar qabyldady.

Resmı shara aldymen qasıetti Quran oqýmen bastalyp, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly hazrettiń bitirýshi tilekterge joldaǵan quttyqtaý sálemi jetkizilip, sáttilik tiledi.

Aıta ketsek,  «Shymkent» medrese-kolledji túlekteriniń dırektory Talǵat Ásembaıdyń aıtýynsha, emtıhan jumysy eki kún boıy onlaın túrde júrgizildi. Medresede oqyǵan Quran, fıqh, arab tili t.b. pánderi boıynsha emtıhan alyndy. Jalpy,  100 er, 37 qyz jáne 16 syrtqy bólim túlekteri joǵary deńgeıde emtıhan tapsyrdy.