Senat tóraǵasy Oraza aıtpen quttyqtady

QR Parlamenti Senatynyń tóraǵasy Máýlen Áshimbaev qazaqstandyqtardy Oraza aıt merekesimen quttyqtady.

Facebook-tegi jeke paraqshasynda jarııalanǵan quttyqtaýda M.Áshimbaev Ramazan aıynyń berekeli kúnderinde tatýlyq, qaıyrymdylyq, meıirimdilik sııaqty izgi qasıetterdiń keńinen dáriptelgenine aıryqsha toqtalyp ótken.

«Bıyl Ramazan aıy koronavırýs indetiniń taralýymen tuspa-tus keldi. Degenmen, bul jaǵdaı Qazaqstan musylmandaryn esh jasytqan joq. Qaıta halqymyzdyń yrys-yntymaǵy odan ári arta tústi. Óıtkeni oraza qazirgideı kúrdeli kezeńde adamzatty bereke men birlikke, sabyrlyq pen tózimdilikke úndeıdi. Osyndaı asyl qasıetterdiń arqasynda biz qaýipti dertti aýyzdyqtap, barlyq qıyndyqty birlesip eńseremiz dep senemiz.⠀

«Sizderdi osy merekemen quttyqtaı otyryp, ustaǵan orazalaryńyz ben tilegen duǵa-tilekterińiz qabyl bolsyn degim keledi. Aıdan aıǵa, jyldan jylǵa aman-esen jete bereıik. Ulyq meıram ár shańyraqqa shattyq pen baq-bereke ákelsin!⠀Aıt múbárak bolsyn!» dep jazdy Senat tóraǵasy.