RANT MÚShESI ASTANADA ÚGIT-NASIHAT JUMYSTARYN JÚRGIZDI (FOTO)

Astana qalasyna arnaıy issaparmen kelgen Aqtóbe qalalyq ortalyq meshitiniń bas ımamy jáne Aqtóbe qalasy din ister basqarmasynyń aqparattyq túsindirý tobynyń (AAT) múshesi, RANT múshesi Kúzenbaev Nurlybek Shakızadauly ókildikke qarasty qala meshitteriniń jamaǵatymen júzdesip, ártúrli mekemelerde úgit-nasıhat júrgizdi.

Atap aıtqanda, Astana qalasy ókildiginiń uıymdastyrýymen ótken dinı aǵartý jumystary aıasynda RANT múshesi Din isteri basqarmasynyń qyzmetkerlerimen jáne «Ál-Ǵanı», «S. Ǵylmanı», «Ál-Fáttah», «Ál-Farabı», «Aq meshit», «Raısa ana», «Yryskeldi qajy» meshitteriniń jamaǵatymen kezdesip, túzeý mekemesinde ózekti taqyryptarda ýaǵyz-nasıhat aıtty. Sonymen qatar, «Hýsamıddın Ás Syǵanaqı» ınstýty jáne Astana medrese-kolledjiniń stýdentterimen kezdesip, «Bilimge degen qushtarlyq» taqyrybynda oı bólisti.

Sondaı-aq, Astana qalasy Din isteri basqarmasynyń uıymdastyrýymen ótken jıynǵa jáne meshit jamaǵatymen ótken ártúrli rýhanı kezdesýlerge qatysty. Jalpy, bul kezdesýlerde 2 000-nan astam adam qamtyldy.

Источник: Aisha