RANT MÚShESI «AL-FATTAH» MEShITINDE JAT DINI AǴYMDARDYŃ ZIIaNY JAIYNDA JUMA ÝAǴYZYN JÚRGIZDI (FOTO)

QMDB Dinı ońaltý bóliminiń mamany, Respýblıkalyq aqparattyq-nasıhat tobynyń múshesi Islam Maratuly Astana qalasyndaǵy «Al-Fattah» meshitinde jamaǵatpen júzdesip, jat dinı aǵymdardyń zııany jáne olardyń aldyn alý joldary jaıynda juma ýaǵyzyn júrgizdi.

Jamaǵatpen júzdesýde Islam ustaz destrýktıvti dinı aǵymdardyń qoǵamǵa, otbasyǵa jáne memleketimizge tıgizetin zııandaryn, olardyń belgilerin atap ótti.

Sondaı-aq, jastardyń qazirgi tańda ózimizdiń ata-bababyz ustanyp kele jatqan sara jolymyz, Áhlı sýnna ýal-jamaǵa, senimde Matýrıdı aqıdasy, mázhabta Imam Aǵzam Ábý Hanıfa jolyn ustanýdyń mańyzdylyǵyna toqtaldy.

Osymen qatar, dinı saýat ashýdy meshitterimizden alý qajettigine, Dinı basqarmanyń pátýalaryna súıenýge shaqyrdy.