QMDB jýrnalısteri Prezıdent alǵys hatyn ıelendi

Búgin Buqaralyq aqparat quraldary qyzmetkerleriniń merekesi qarsańynda QMDB Baspasóz hatshysy, «Munara» gazetiniń shef-redaktory Aǵabek Qonarbaıuly men «Hıkmet» stýdııasynyń tilshisi, jýrnalıst Erkin Shákiruly Memleket basshysy Qasym-Jomart Toqaevtyń Alǵys hatymen marapattaldy.

Bıyl Bas múftı Naýrazbaı qajy Taǵanuly aqparat taratý salasyna erekshe kóńil bólip, hazirettiń bastamasymen arnaıy Aqparat jáne qoǵammen baılanys bólimi ashylǵan bolatyn. Múftııat jáne oǵan qarasty elimizdegi barlyq meshitterdiń aqparat jarshysyna aınalǵan saıttary men «Hıkmet» stýdııasy karantın kezinde de jumysyn toqtatpaı, elge tanymdyq, paıdaly aqparattar usynyp keledi.

Endi mine, QMDB aqparat taratý salasynyń eńbegi Prezıdent tarapynan baǵalanyp otyr. Elimizdiń BAQ salasyn damytýǵa qosqan úlesi úshin berilgen marapat – QMDB-ǵa qarasty resmı jáne ókildik saıttarynyń, baspasóz qyzmetkerlerine berilgen baǵa.