QMDB Jastar isi sektory respýblıkalyq forýmǵa qatysty
Bas múftı Naýryzbaı qajy Taǵanulynyń tapsyrmasymen QMDB Jastar isi sektorynyń meńgerýshisi Baǵyjan Kúzekbaı Pavlodar qalasynda ótken respýblıkalyq forýmǵa qatysty.
12 tamyz – Halyqaralyq jastar kúnine oraı Qazaqstan Respýblıkasynyń Mádenıet jáne aqparat mınıstrligi men Pavlodar qalasy ákimdigi uıymdastyrǵan sharaǵa elimizdiń barlyq óńirinen 120-dan astam jas jınaldy.
Baǵyjan Kúzekbaı paneldik sessııada baıandama jasap, jastardy eńbeksúıgishtikke, otanshyldyqqa, bilim men rýhanııatty qatar ustanýǵa úndedi. Sondaı-aq din men dástúr úndestigi jáne ulttyq qundylyqtardy saqtaýdaǵy jastardyń róline toqtaldy.
QMDB Jastar isi sektory jastardyń dinı saýattylyǵyn arttyrý, zııandy ádetterdiń aldyn alý, qaıyrymdylyq pen salaýatty ómir saltyn nasıhattaý baǵytynda júıeli jumys júrgizýde.
