QMDB UJYMY ÁZ-NAÝRYZ MEREKESIN ATAP ÓTTI (FOTO)

Qazaqstan musylmandary dinı basqarmasynyń 35 jyldyq mereıtoıy aıasynda elordada din men dástúrdiń sabaqtastyǵyn ulyqtaýǵa baǵyttalǵan «Áz-Naýryz – yrys pen yntymaq merekesi» ataýymen keń kólemdi rýhanı-mádenı is-shara uıymdastyryldy.

Qazaqstan halyqtarynyń birligi kúnimen qatar kelgen merekelik jıynǵa QMDB Tóraǵasy, Bas múftı Naýryzbaı qajy Taǵanuly bastaǵan delegatsııa, din qyzmetkerleri, Qazaqstan halqy Assambleıasynyń músheleri men memlekettik organdardyń ókilderi qatysty.

Is-shara aıasynda arnaıy tigilgen kıiz úılerde ulttyq salt-dástúrler men qonaqjaılyq rásimderi kórsetilip, qonaqtarǵa dástúrli taǵamdar usynyldy. Sonymen qatar, qazaq halqy men túrli Etnos ókilderi arasyndaǵy rýhanı jaqyndyq pen yntymaqty pash etetin mádenı baǵdarlama usynyldy.

Sharanyń negizgi maqsaty – qoǵamda ózara syılastyq pen tatýlyqty arttyrý, Naýryz meıramynyń rýhanı jáne mádenı mánin keńinen nasıhattaý, sondaı-aq din men dástúr sabaqtastyǵyn dáripteý boldy.

Bul ıgi bastama – halqymyzdyń ulttyq qundylyqtary men rýhanı murasyn ulyqtaýǵa baǵyttalǵan taǵylymdy is-shara retinde joǵary deńgeıde ótti.