QMDB tóraǵasy «Úmmet jastaryna» aıryqsha alǵys bildirdi (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna jasaǵan resmı sapary barysynda meshit jamaǵatynan quralǵan «Úmmet jastary» qaıyrymdylyq qorynyń jumysymen tanysyp, naqty tapsyrmalar berdi.

«Jumystaryńyzdy jaqsy bilemin. Qaıyrymdylyq baǵytynda kóptegen ıgi jobalardy júzege asyryp kelesizder. Ózderińiz bilesizder, Dinı basqarma óz qyzmetinde negizgi tórt baǵytqa basymdyq beredi. Sonyń biri - qaıyrymdylyq. Sizder osy qaıyrymdylyq baǵytyndaǵy bastamalarymyzǵa oblystyq deńgeıde úlken úles qosyp kelesizder. Ózimniń jáne Qazaqstan musylmandary dinı basqarmasy ujymy atynan aıryqsha alǵysymdy bildiremin. Alla razy bolsyn!» - dep ıgi tilegin jetkizdi Bas múftı Naýryzbaı qajy Taǵanuly.

Aıta ketsek, 2015 jyly qurylǵan «Úmmet jastary» qaıyrymdylyq qory 4 baǵytta qyzmet etedi: muqtaj otbasylarǵa azyq-túlik, kıim-keshek taratý, baspanaǵa asa zárý jandarǵa kómek kórsetý, zeıindi jáne múmkindigi shekteýli balalarǵa jan-jaqty qoldaý bildirý.

Osyǵan deıin qor atynan 10 otbasy baspanamen qamtamasyz etilip, 4 myńǵa jýyq januıaǵa qaıyrymdylyq kómek kórsetilgen.