QMDB TÓRAǴASY RABATTAǴY IMAMDAR DAIYNDAÝ INSTITÝTYNYŃ JUMYSYMEN TANYSTY (FOTO)
QMDB Tóraǵasy Naýryzbaı qajy Taǵanuly bastaǵan delegatsııa Marokko astanasy Rabat qalasyndaǵy ımamdardyń biliktiligin arttyrýǵa arnalǵan ınstıtýttyń jumysymen tanysyp, keshendi aralady.
Delegatsııany ınstıtýt dırektory Abdý Salam ál-Azǵar kútip aldy. Qazirgi tańda munda Afrıkanyń Malı, Gvıneıa, Kot-d'Ivýar, Nıgerııa jáne Chad elderinen stýdentter oqyp jatyr.
«Bul ınstıtýt Marokko Koroli VI Muhammedtiń bastamasy aıasynda 2015 jyly ashylǵan. Al shetel ımamdaryn daıyndaý 2017 jyldan beri júzege asyp keledi dedi» oqý ornynyń dırektory doktor Abdý Salam ál-Azǵar.
Munda birneshe baǵytta bilim beredi jáne tiginshilik, usta sheberlerin sondaı-aq zamanaýı arnaıy mamandyqqa da úıretedi.
