QMDB tóraǵasy «Qunanbaı qajy» meshitinde juma ýaǵyzyn aıtty (FOTO)
Búgin Bas múftı Naýryzbaı qajy Taǵanuly Qaraǵandy oblysy Qarqaraly aýdandyq «Qunanbaı qajy» meshitinde juma namazyn júrgizip, ýaǵyz aıtty.
Áýeli QMDB Tóraǵasy meshit jamaǵatyna Qarqaralyda Ǵulamalar keńesi qabyldaǵan pátýalar týraly aıtyp ótti.
Bas múftı Naýryzbaı qajy Taǵanuly jánnat nyǵmetteri jaıly juma ýaǵyzyn aıtyp, jamaǵatty jaqsy isterge úndedi. «Musylman balasy Allanyń meıirimimen jáne jaqsy amaldarynyń nátıjesinde jánnatqa kiredi. Alla Taǵala osy ómirdegi shańnyń tozańyndaı bolǵan jaqsy amaldarymyzdy o dúnıede aldymyzǵa ákeledi. Sondyqtan kishkentaı amal atqarsaq ta ony jaqsy nıetpen oryndaýǵa tyrysaıyq!» – dedi Bas múftı.
Juma namazynan keıin Qarqaralydan shyqqan tulǵalar rýhyna qasıetti Quran aıattary baǵyshtalyp, duǵa jasaldy.
