QMDB tóraǵasy Máshhúr Júsip murajaıyn aralady (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna barǵan resmı sapary barysynda Baıanaýyl aýdanynda ornalasqan Máshhúr Júsip Kópeıulynyń murajaıyn aralady.

Bas múftı oıshyl, folklor tanýshy, Etnograf, tarıhshy, fılosof, qazaq mádenıeti men ádebıetiniń belgili tulǵasy, asyl dinimizdi nasıhattaýǵa ólsheýsiz úles qosqan Máshhúr Júsip ǵulamanyń rýhyna Quran baǵyshtap, duǵa jasady.

Sonymen qatar elimizdiń ıgiligi men halqymyzdyń amandyǵy úshin duǵa etti. Zııarat barysynda Naýryzbaı qajy Taǵanuly qurban shalyp, Jaratqannan jurtymyzdy juqpaly indetten saqtaýdy surady.