QMDB tóraǵasy kıeli óńirdiń jańa kelbetimen tanysty (FOTO)
Túrkistan oblysyna resmı saparmen barǵan Qazaqstan musylmandary dinı basqarmasynyń tóraǵasy Naýryzbaı qajy Taǵanuly jyldam qarqynmen damyp kele jatqan kıeli óńirdiń jańa kelbetimen tanysty.
Sapar barysynda Bas múftı bastaǵan QMDB qyzmetkerleri Túrkistan shaharynyń tarıhı, mádenı hám rýhanı nysandaryn aralady. Solardyń biri – «Uly dala eli» rýhanı-mádenı kesheni.
Ortalyqta Qazaq handyǵynyń qurylǵanynan bastap, jańa dáýir damýyna deıingi ártúrli taqyrypty ashatyn 9 tarıhı-zamanaýı zal bar.
Odan keıin din qyzmetkerleri HIV ǵasyrda Ámir Temirdiń pármenimen salynǵan Qoja Ahmet Iassaýı kesenesinde boldy. Sondaı-aq Bas múftı Túrkistannyń tarıhy men búgingi kelbetinen syr shertetin murajaıdy aralady.
