QMDB TÓRAǴASY AIT MEREKESIN DÁSTÚRIMIZGE SAI ULTTYQ NAQYShTARMEN ÓTKIZÝGE ShAQYRDY

Búgin elorda da ótken baspasóz máslıhatynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elimizdegi barsha jamaǵatty ulttyq kıimderimizdi kıip, aıt merekesin dástúrimizge saı ulttyq naqyshtarmen ótkizýge, ıgi bastamalarymyzǵa belsendi túrde atsalysýǵa shaqyrdy.

«Jyl basynda elimizdegi barsha din qyzmetkerlerine joldaǵan Baǵdarlyq baıandamamda qos ulyq meıramdarymyz – Qurban aıt pen Oraza aıtty dástúrimizge saı qoǵamdyq deńgeıde atap ótý qajettigin jetkizdim. Alla qalasa, aıt kúnderi «Qurban aıt – ulyq mereke» taqyrybynda respýblıkalyq deńgeıde ıgi is-sharalar uıymdastyrylady.

Oblystyq, qalalyq jáne aýdandyq meshitterdiń aýlasynda kıiz úıler tigilip, ulttyq sport túrlerinen arnaıy saıystar uıymdastyrylady. Jer-jerde mádenı-rýhanı keshter ótkiziledi. Osy rette elimizdegi barsha jamaǵatty ulttyq kıimderimizdi kıip, aıt merekesin dástúrimizge saı ulttyq naqyshtarmen ótkizýge, ıgi bastamalarymyzǵa belsendi túrde atsalysýǵa shaqyramyn» dep atap ótti Naýryzbaı qajy Taǵanuly.




​