QMDB tóraǵasy 100 otbasyǵa syılyq úlestirdi (FOTO)

Búgin, qasıetti juma kúni Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna jasaǵan resmı sapary barysynda 100 otbasyǵa arnaıy syılyq úlestirdi.

QMDB «Zeket» qorynyń «Qaıyrymdylyq kerýeni» ıgi bastamasy aıasynda júzege asqan sharada Bas múftı Naýryzbaı qajy Taǵanuly: «Din qyzmetkerleri kómekkke muqtaj otbasylarǵa árqashan kóńil bólip keledi. Óıtkeni bizdiń negizgi jumys baǵyttarymyzdyń biri – qaıyrymdylyq. Qaıyrymdylyq – adamdar arasynda meıirimdilik, baýyrmaldyq, janashyrlyq sezimin oıatatyn qaıyrly is. Osy rette bizdiń bastamamyzǵa qoldaý bildirgen barsha jomart azamattarǵa Alla razy bolsyn deımin», – dep atap ótti.

Aıta ketsek, búginde QMDB «Zeket» qorynyń «Qaıyrymdylyq kerýeni» sharasy jer-jerdegi meshitterde júzege asýda.