QMDB: Qurban2021 jobasy talqylandy (FOTO)
Elordada Bas múftı Naýryzbaı qajy Taǵanulynyń tóraǵalyǵymen onlaın jıyn ótip, oǵan Aqparat jáne qoǵamdyq damý vıtse-mınıstri Serik Rahmetollauly, QMDB qyzmetkerleri jáne oblys bas ımamdary qatysty.
Din qyzmetkerleriniń onlaı jıynynda kún tártibindegi eki másele qaraldy. Aldymen Qurban aıt meıramyna daıyndyq jumystary talqylandy.
«Ózderińizge belgili, ótken 2020 jyldyń Qurban aıt merekesi qarsańynda el musylmandarynyń ótinishin eskere otyryp qoǵam aldyndaǵy qaıyrymdylyq qyzmetin jandandyra túsý maqsatynda jáne elimizdegi Epıdemıologııalyq jaǵdaı kezinde musylmandyq mindetti kedergisiz atqarýǵa ońtaıly usynys retinde Qurban2020 jobasyn iske qosqan bolatynbyz. QMDB ortalyq apparatynyń tehnıkalyq mamandary qysqa merzimde www.qurban2020.kz vebsaıtyn jasaqtap shyqty. Atalmysh saıtta qurbandyq malyn shalý úshin tapsyrys berý, qurbandyq etin alý úshin ótinish berý jáne qurbandyq shalynǵandyǵy týraly málimet syndy qyzmetterdi qamtydy», – dedi Naýryzbaı qajy Taǵanuly.
Bas múftı Dinı basqarma qazirgi ýaqytta elimizdegi Epıdemıologııalyq jaǵdaıdyń turaqtalýyna baılanysty «QURBAN-2021» jobasyn iske asyrýdyń eki baǵytyn usynyp otyrǵanyn atap ótti. Birinshisi – memleket tarapynan ruqsat berilgen jaǵdaıda qasaphanalarda sanıtarlyq erejelerdi qatań saqtaı otyryp, oflaın rejımde qurban shalý rásimin uıymdastyrý, ekinshisi – arnaıy daıyndalǵan «QURBAN-2021» veb-saıty arqyly onlaın rejımde ótkizý.
Óz kezeginde vıtse-mınıstr Qurban aıt merekesine oraı josparlanǵan «QURBAN-2021» qaıyrymdylyq jobasynyń júzege asýyna memleket tarapynan qoldaý bolatynyn jetkizdi.
Jıynda talqylanǵan ekinshi másele ımamdardyń bilimin jetildirýge qatysty boldy. 2002 jyly qurylǵan Respýblıkalyq Imamdardyń bilimin jetildirý ınstıtýtynda buǵan deıin 1257 din qyzmetkeri bilimin shyńdady. 2019 jyly 4 topta 182 ımam bilimin jetildirse, RF Omby múftıiniń ótinishimen ombylyq 24 ımam, Mońǵolııadan 8 ımam kelip bilimderin jetildirip qaıtty.
2020 jyly 161 ımam bilimin jetildirip, III dárejeli kýálik alsa, bıyl 2021 jyly onlaın arqyly 156 ımam bilimin jetildirdi.
Bas múftı kadr áleýetin kóterýde dinı oqý oryndarynyń orny aıryqsha ekenin basa aıtty. Bir ǵana Nur-Múbarak ýnıversıtetinen 2004-2020 jyldar aralyǵynda 2059 stýdent túlep shyqsa, elimizdegi 9 medreseni 2010-2020 jyldar aralyǵynda 2300 shákirt támamdaǵan. Bıyl Nur-Múbárak ýnıversıtetiniń «Islamtaný» mamandyǵyn 230 túlek bitirip shyqsa, 437 shákirt medrese qabyrǵasyndaǵy bilimin aıaqtamaq.
