QMDB ORTALYQ APPARAT JINALYSY ÓTTI (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen ortalyq Apparat jınalysy ótti. Jeti baǵyt boıynsha esep berý jalǵasyp, respýblıka kóleminde 2022 jyldyń qańtar-qyrkúıek aılary aralyǵynda atqarylǵan jumystardy bólim meńgerýshileri Bas múftıge baıandady.
Jıyn barysynda qoǵammen baılanys, ýaqyp jáne qaıyrymdylyq, sondaı-aq dinı ońaltý baǵyttary boıynsha toǵyz aıda atqarylǵan ıgi ister men aýqymdy jobalar nazarǵa usynyldy.
«Dál qazir qoǵammen baılanys, ýaqyp pen zeket isteri de, dinı ońaltý da úlken mańyzǵa ıe. Elimizdiń rýhanı áleýetin kóterýde saýaby úzilmeıtin ýaqyp amalyn qoǵamǵa keńinen nasıhattap, árdaıym qaıyrymdylyq isteriniń jarshysy bolýǵa tıispiz. Destrýktıvti dinı aǵymdardyń, teris túsinikterdiń aldyn alýǵa musylman úmmeti de, memleket te múddeli bolyp otyr. Sondyqtan jat dinı túsinigi qalyptasqan jandarǵa týra jol kórsetý kún tártibinen túspeıtin másele» dep atap ótti QMDB Tóraǵasy.
Bas múftı eki kúnge sozylǵan Apparat jınalysyn qorytyndylaı kele, bólim meńgerýshileri men mekeme basshylaryna tıisti tapsyrmalar júktedi.
