QMDB «HALAL DAMÝ» ÓKILDERI HALYQARALYQ OQÝ SEMINARYNA QATYSÝDA

Qazaqstan musylmandary dinı basqarmasynyń Bas múftıi Naýryzbaı qajy Taǵanulynyń tapsyrmasyna sáıkes, «Halal Damý» dırektory Aıbek Asqarbekuly bastaǵan mamandar Túrkııanyń Ankara qalasynda ótip jatqan halyqaralyq oqý semınaryna qatysýda.

Semınar Túrik yntymaqtastyq jáne úılestirý agenttigi (TİKA) men Túrkııa Respýblıkasynyń Halal akkredıtteý mekemesiniń (HAK) birlesýimen uıymdastyrylǵan. Bir aptalyq oqý baǵdarlamasy «Halal akkredıtatsııasy jáne personaldy sertıfıkattaý boıynsha tehnıkalyq oqytý» taqyrybyna arnalǵan.

Baǵdarlama aıasynda qatysýshylar halal akkredıtatsııasy men sertıfıkattaý baǵytynda kásibı biliktilikterin arttyryp, halyqaralyq tájirıbe men úzdik praktıkalardy zerdeleýde. Sonymen qatar saladaǵy ózekti máseleler talqylanyp, tájirıbe almasý múmkindigi qarastyrylǵan.

Oqý semınaryna Túrkııa, Qazaqstan, Ózbekstan, Qyrǵyzstan, Ázerbaıjan jáne Tájikstan elderinen sala mamandary qatysýda.

Atalǵan is-shara otandyq halal ındýstrııasyn damytýǵa, halyqaralyq talaptarǵa sáıkestikti arttyrýǵa jáne mamandardyń kásibı deńgeıin jetildirýge baǵyttalǵan.


​