QMDB bólimderiniń jumysy pysyqtaldy (FOTO)

Búgin elordada QMDB nóraǵasynyń orynbasary, naıb múftı Ershat Ońǵarovtyń tóraǵalyǵymen jekelegen bólimderdiń májilisi ótti.

Májiliske QMDB Sharıǵat jáne pátýa, Qaıyrymdylyq jáne ýaqyp isteri, Ýaǵyz-nasıhat, Qajylyq bólimderi men osy bólimderge qarasty Jastar, Saraptama, Áıelder sektory, sondaı-aq «Taýaf» qajylyq fırmasynyń ókilderi qatysty.

Jınalysta kún tártibindegi birqatar máseleler talqylandy. Naıb múftı Ershat Ońǵarov: «Bólimder elimizde jarııalanǵan tótenshe jaǵdaı kezinde de mańyzdy jumystar atqardy. Ásirese onlaın ýaǵyzdar men jıyndarǵa basymdyq berildi. Qaıyrymdylyq sharalary molynan atqaryldy. Ony el musylmandary kórip, baǵasyn berip otyr» deı kele, Bas múftı tapsyrmalarynyń oryndalýy tekserildi.

Atap aıtqanda, QMDB Ǵulamalar keńesiniń kezekti májilisin ótkizý, JANT múshelerine arnalǵan onlaın jıyn uıymdastyrý, qajylyq, saraptama jumystaryn uıymdastyrý, jastar jáne qyz-kelinshektermen jumysty jetildirý sekildi máseleler talqylandy.

Májilis sońynda QMDB Tóraǵasynyń orynbasary bólimder men sektorlar basshylaryna naqty tapsyrmalar berdi.

​