QMDB-30: Jańaarqa aýdanynda jańa qudyq salyndy

Qazaqstan musylmandary dinı basqarmasynyń 30 jyldyq mereıtoıyna oraı 30 ıgi is-shara aıasynda Qaraǵandy oblysynyń Jańaarqa aýdanynda jańa qudyq paıdalanýǵa berildi.

QMDB-nyń Qaraǵandy oblysy boıynsha bas ımamy Ómirzaq Bekqoja mundaı saýapty ári ıgi isti óńir jamaǵatymen atap ótip, qudyqty halyqtyń ıgiligine paıdalanýǵa saltanatty túrde tabystady.

Atalmysh ıgi is «Taza Sý» memlekettiń kásipornynyń basshysy Yrysbekov Jánibek Saılaýbekulynyń qolǵa alýymen jáne Jańaarqa meshiti jamaǵatynyń demeýshiligimen júzege asty. Osyndaı ıgi sharanyń joǵary deńgeıde júzege asqanyna aımaq turǵyndary óz alǵystaryn bildirip, óńir aqsaqaly Shaıhın Jarýlla Satan myrza batasyn berdi. Jańa qudyq shamamen 5000 adamdy taza sýmen qamtamasyz etedi. Iaǵnı, kúnine 1800 otbasy qudyqtaǵy taza sýmen tutyna alady. Aldaǵy ýaqytta 30 jyldyq mereı toı aıasynda taǵy kóptegen ıgi is sharalar júzege aspaqshy.