QMDB-30: Úmbetáli eldimekeninde kópir paıdalanýǵa berildi (FOTO)
Qazaqstan musylmandary dinı basqarmasynyń 30 jyldyq mereıtoıyna oraı Almaty qalasy ókildigi atynan Almaty oblysy, Jambyl aýdandyq Úmbetáli eldimekenine kólik pen jaıaý júrginshiler ótetin kópir qoldanysqa berildi.
Ashylý saltanatyna QMDB-nyń Qaıyrymdylyq jáne ýaqyp isteri bóliminiń meńgerýshisi Kamaljan Bekbosynuly, Almaty qalasynyń bas ımamy Erkinbek Shoqaı, Almaty qalasy Naýryzbaı aýdanynyń bas ımamy Áset Atashov jáne Úmbetáli eldimekeniniń turǵyndary qatysty.
Ashylý saltanatynda QMDB-nyń Qaıyrymdylyq jáne ýaqyp isteri bóliminiń meńgerýshisi Kamaljan Bekbosynuly eń aldymen QMDB tóraǵasy, Bas múftı Naýryzbaı qajy Taǵanulynyń sálemin jetkizip, «30 jyldyqqa 30 ıgi shara» aıasynda ıgi iske muryndyq bolǵan azamattarǵa alǵys bildirdi.
Úmbetáli eldimekeniniń turǵyndaryna tartý etilgen bul kópir Almaty qalasy meshitteriniń, atap aıtqanda, Naýryzbaı aýdany meshitteriniń jamaǵaty men jomart jandardyń uıymdastyrýymen salyndy.
