QAZAQSTAN QAJYLYQ MISSIIaSY QAJYLARYMYZDYŃ ALǴAShQY LEGIN QASIETTI MEKENDE KÚTIP ALDY

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń orynbasary naıb múftı, qajylyq mıssııasynyń tóraǵasy Kenjetaı Baıkemeluly bastaǵan top Mádına qalasyndaǵy halyqaralyq áýejaıdan 166 otandasymyzdy aman-esen kútip aldy.

Qajylarymyzdyń qaýipsizdigi men densaýlyǵy  Mıssııanyń basty nazarynda. Mıssııa dárigerleri táýlik boıy kezekshilikte bolady. Arnaıy bekitilgen medıtsına mamandary qajylardyń jaǵdaıyn turaqty baqylaýda ustaıdy.

Bıyl 4000 otandasymyz qajylyq paryzyn óteıdi. Aldaǵy kúnderi elimizdiń ózge óńirlerinen de tikeleı reıstermen qasıetti mekenge keledi. Mıssııa tarapynan qajylyqty uıymdastyrý jumystary tolyq baqylaýǵa alynǵan.

Qazaqstan musylmandary dinı basqarmasy janynan qurylǵan Qajylyq mıssııasy qasıetti sapar barysynda bes baǵyt boıynsha qyzmet kórsetedi. Iaǵnı, uıymdastyrý-úılestirý, ýaǵyz-nasıhat, suraq-jaýap jáne pátýa berý, alǵashqy medıtsınalyq kómek, aqparat taratý boıynsha jumys isteıdi.

.

​