Qazaqstan mıtropolıti Oraza aıtpen quttyqtady

Qazaqstandaǵy Pravoslav shirkeýiniń basshysy, Nur-Sultan jáne Qazaqstan mıtropolıti Aleksandr QMDB tóraǵasy, Bas múftı Naýryzbaı qajy Taǵanulyna Oraza aıt merekesimen quttyqtaý hatyn joldady.

Bas múftıdi jáne barsha musylmandardy quttyqtaǵan mıtropolıt qasıetti Ramazan aıynyń sharttary da adamdy rýhanı kemeldikke jetelep, otbasyndaǵy tatýlyqty saqtaı otyryp, kórshi men Otanǵa degen mahabatty arttyra túsetinin jetkizgen.

«Júzdegen jyldar boıy osynaý baıtaq dalada musylmandarmen birge hrıstıan ókilderi de tatý-tátti ǵumyr keship keledi. Ulan-ǵaıyr atyrapty birge qorǵap, eldiń damýyna birge atsalysýda. Endigi maqsatymyzda osy aýyzbirshilikti saqtap, qazaqtyń qasıetti jerinde yntymaǵymyzdy arttyra túsý.

Buǵan deıin Prezıdentimiz Qasym-Jomart Kemeluly Toqaev elge jasaǵan Úndeýinde atap ótkendeı «Konfessııaaralyq kelisim eldiń damýyna áser etetin eń úlken faktor. Biz bolashaǵymyzdyń irtetasyn dál osy birlik pen yntymaq turǵysynan qalaǵandyqtan alǵa qaraı senimmen qadam basamyz» degen edi.

 Qurmetti Múftı Haziret jáne eldegi barsha musylman qaýymy Sizderge tek myqty densaýlyq, tynyshtyq pen ıgilik tileımin!» delingen quttyqtaý hatynda.