Qasym-Jomart Toqaev: Saq júrseń, saý júresiń

Ár adam óziniń týystary men jaqyn adamdarynyń densaýlyǵyna muqııat bolýy kerek. Bul týraly «BIZ BIRGEMIZ» onlaın forýmda Qazaqstan Prezıdenti Qasym-Jomart Toqaev aıtty.

«Osyndaı kúrdeli kezeńde barsha jurt jaýapkershilik tanytýdyń qanshalyqty mańyzdy ekenin túsindi dep oılamyn. Ár adam óziniń týystary men jaqyn adamdarynyń densaýlyǵyna muqııat bolýy kerek. Bul qazirgi zamannyń talaby», - dedi Qasym-Jomart Toqaev.

Memleket basshysy indetti jeńý árbir azamattyń óz qolynda ekenin basa aıtty. «Bul eń aldymen qarapaıym qaǵıdany ustanýdan bastalady. Betperde taǵyp júrý, tazalyq saqtaý jáne áleýmettik qashyqtyq ustaný óte mańyzdy. Óıtkeni, bul sizdiń jáne ózge adamdardyń densaýly úshin asa qajet. Taǵy da qaıtalap aıtamyn, «saq júrseń saý júresiń«, «saqtyqta qorlyq joq«. Sondyqtan azamattardy qorǵaý úshin biz barlyq qajetti sharalardy jedel túrde qolǵa aldyq jáne osy jumysty ary qaraı jalǵastyra beremiz». - dedi Prezıdent.