QASYM-JOMART TOQAEV ÓZBEKSTAN PREZIDENTI ShAVKAT MIRZIEEVPEN BIRGE TÚRKISTANDAǴY JAŃA MEShITTI ARALAP KÓRDI

Qasym-Jomart Toqaev pen Shavkat Mırzıeev Qazaqstan men Ózbekstan arasyndaǵy baýyrlastyq baılanys jáne rýhanı yntymaqtastyq nyshany retinde Túrkistanda boı kótergen meshitpen tanysty.

Qulshylyq úıiniń ortalyq zalynda Quran oqyldy. Is-sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly da qatysty.

Meshit Ózbekstan Prezıdentiniń Túrkistan turǵyndary men barsha qazaqstandyqtarǵa tartýy retinde salynǵan.

Ǵımaratta dástúrli ıslam Elementteri zamanaýı qurylys tehnologııalarymen úılesim tapqan. Qasbeti men ishki aýmaǵy ulttyq oıý-órnekpen jáne musylman kallıgrafııasymen bezendirilgen. Munaralardyń bıiktigi – 61 metr.

Ǵıbadat orny jańa ınjenerlik jelilermen jabdyqtalǵan. Sondaı-aq abattandyrylǵan aýmaqta jaryqtandyrý júıeleri, demalys aımaqtary, sýburqaqtar bar.

​

Источник: Aidos