QARAǴANDY OBLYSYNYŃ BAS IMAMY TAǴAIYNDALDY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń buıryǵymen Qaraǵandy oblysynyń bas ımamy taǵaıyndaldy.
Naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly Qaraǵandy oblystyq «Ánet Baba» meshitinde juma namazyna jınalǵan jamaǵatqa bas ımamdy tanystyryp, QMDB Tóraǵasynyń buıryǵyn oqyp berdi. Jaýapty qyzmetke buǵan deıin Temirtaý qalasynyń bas ımamy bolǵan Estaı Ábdiǵalıev taǵaıyndalyp otyr.
Al Qaraǵandy óńirinde on jylǵa jýyq bas ımam qyzmetin atqarǵan Ómirzaq qajy Qazkenulyna qurmet kórsetilip, ıyǵyna qazaqy dástúrmen shapan jabyldy. Sondaı-aq naıb múftı Sansyzbaı Qurbanuly din salasynyń ardagerin QMDB Tóraǵasynyń alǵys hatymen marapattap, rızashylyǵyn bildirdi.
Aıta keteıik, bas ımamdyqqa jańadan taǵaıyndalǵan Estaı Ábdiǵalıev din jolyndaǵy qyzmetin Qaraǵandy oblysynyń aýyldyq meshitterinde ustazdyqtan bastap, Astana qalasynyń «Yryskeldi qajy» jáne respýblıkalyq «Áziret Sultan» meshitinde naıb ımam, 2020 jyldan beri Temirtaý qalasynyń bas ımamy qyzmetterin atqardy.
