«QAMQOR-SHARAPAT» ORTALYǴYNYŃ QYZMETIN TsIFRLANDYRÝ BOIYNShA SEMINAR ÓTTI (FOTO)

QMDB Astana qalasy ókildigine qarasty «Aq meshit» meshitinde «Qamqor-Sharapat» salttyq qyzmet kórsetý ortalyǵynyń qyzmetin tsıfrlandyrý boıynsha semınar ótti.

Jıynǵa QMDB-nyń naıb múftıi, Sharıǵat jáne Pátýa bóliminiń meńgerýshisi Sansyzbaı Qurbanuly, QMDB-ǵa qarasty «Ýaqyp» qorynyń dırektory Azamat Ábdikárimuly, Astana qalasynyń jáne «Áziret Sultan» meshitiniń bas ımamy Erbolat Júsipov, «Qamqor- Sharapat» salttyq qyzmet kórsetý ortalyǵynyń dırektory Meırambek Qaldybekuly jáne elorda ımamdary qatysty.

Semınar barysynda salttyq qyzmet kórsetý ortalyǵynyń sharıǵat talaptaryna saı jumys isteýiniń mańyzdylyǵy aıtylyp, tsıfrlandyrý arqyly qyzmet kórsetý úderisterin jeńildetý, zamanaýı tehnologııalardy engizý jáne halyqqa qoljetimdilikti arttyrýdyń mańyzdylyǵy sóz boldy.

«Qamqor-Sharapat» ortalyǵynyń dırektory Meırambek Qaldybekuly ortalyqtyń tsıfrlandyrý baǵytyndaǵy naqty qadamdary týraly aıtyp, tsıfrlandyrylǵan júıe arqyly halyqqa qyzmet kórsetý boıynsha jasalyp jatqan jumystardy tanystyrdy.

Jıyn sońynda qatysýshylar tsıfrlandyrý úderisin jedeldetý, tájirıbe almasý jáne bolashaqtaǵy seriktestik baǵyttary boıynsha birqatar sheshimder qabyldap, ortaq maqsattardy júzege asyrý úshin yntymaqtastyqta jumys isteýge ýaǵdalasty.

Источник: Aidos