Ózbekstan múftıi Oraza aıtpen quttyqtady
Ózbekstan musylmandary dinı basqarmasynyń tóraǵasy Ýsmanhon Alımov QMDB tóraǵasy, Bas múftı Naýryzbaı qajy Taǵanulyna Oraza aıtpen quttyqtaý hatyn joldady.
«Osynaý ulyq kúnde Jaratqan Iemiz Sizge jáne barsha musylman jamaǵatyna saý-salamat, baqyt bersin. Alla razylyǵy úshin atqarylyp jatqan isterińizge saýaptan jazsyn. Bıylǵy Ramazan koronavırýs indetimen tuspa-tus kelip qaldy. Osy sebepti meshitterimizde taraýyq namazdaryn oqı almadyq. Degenmen bul eldegi musylmandardyń Ramazan aıynyń orazasyn bekem ustaýyna kedergi keltirmedi. Bálkim, osy aıda álem musylmandary bir-birine kóbirek járdem, kóbirek duǵa etti degen oıdamyn.
«Qurmetti Múftı Haziret! Sizdiń osy aıda jasaǵan duǵa-tilekterińiz ben qulshylyq ǵıdabattaryńyzdy Alla qabyl etsin! Jaratqannan álemdegi barlyq meshitterdiń esigi tezirek ashylyp, jamaǵatpen namaz oqýymyzdy tileımiz» delingen quttyqtaý hatynda.
