Nur-Múbarak ýnıversıtetinde bir aılyq kýrs bastaldy (FOTO)
Elimizdiń 17 aımaǵynan din salasynyń 65 mamany biliktiligin arttyrýǵa kiristi. Atap aıtqanda, Aqparat jáne qoǵamdyq damý mınıstrligi Din isteri komıteti men Nur-Múbarak ýnıversıteti birlesip «Islamdyq baǵyttaǵy destrýktıvti jáne radıkaldy dinı ıdeologııany ustanýshylardy radıkalsyzdandyrý jáne ońaltý salasyndaǵy mamandardyń biliktiligin arttyrý kýrstaryn uıymdastyrý» kýrsyn ótkizýde.
Bir aılyq kýrsty Nur-Múbarak ýnıversıteti janyndaǵy Dinı Ekstremızmge qarsy is-qımyl ortalyǵy úılestirýde. 140 akademııalyq saǵatqa eseptelgen, 15 pánnen turatyn kýrsta elimizdegi dinı salaǵa tikeleı qatysy bar ımamdar, dintanýshylar jáne basqa mamandar qatysýda. Ádistemesine saı kýrs akademııalyq tásil jáne deradıkalızatsııa tásilderiniń akademııalyq máselelerin, maqsatty toptarmen maqsatty túsindirme jumystaryn uıymdastyrý jáne destrýktıvti radıkal aǵymdarǵa erýshilermen jumys isteýdiń ádis-quraldaryn qamtıtyn ózekti dáris baǵdarlamasymen erekshelenedi.
Dáristerdi Nur-Múbarak ýnıversıtetiniń bilikti oqytýshylary, sondaı-aq Ulttyq qoǵamdyq senim keńesi, Ulttyq qaýipsizdik komıteti akademııasy men respýblıkanyń jetekshi oqý oryndarynyń osy salada tanymal arnaıy shaqyrylǵan bilikti mamandary júrgizýde.
