«Nur Astana» meshitinde «Qaıyrymdy shańyraq» aktsııasy ótti (FOTO)
«Nur Astana» meshitinde dástúrli «Qaıyrymdy shańyraq» aktsııasy aıasynda 50 otbasyǵa azyq-túlik qorjyny taratyldy.
Igi sharaǵa Nur-Sultan qalasynyń bas ımamy Erbolat Júsipov, «Nur Astana» meshitiniń bas ımamy Nurlan Ramazanov, Nur-Sultan qalasy Din isteri jónindegi basqarmanyń basshysy Nurdáýlet Imanáliuly qatysty.
Qoly ashyq, júregi jumsaq jandardyń demeýshiligimen júzege asqan shara barysynda elorda meshitteriniń qyzmetkerleri azyq-túlik qorjyndaryn muqtaj jandardyń úılerine jetkizip berdi.
Qasıetti Quran Kárimde «Kimde-kim mysqaldaı (tozańnyń salmaǵyndaı) jaqsylyq jasasa, sonyń qarymyn alady» («Zilzala», 7) delinedi. Endeshe meshit ujymy atynan izgi amalǵa atsalysyp, taǵdyr tálkegine ushyraǵan jandarǵa qol ushyn sozǵan árbir azamattyń Alla kásipterin bereke etip, yrysyn arttyrsyn dep tileımiz.
