«Nur Astana» meshiti kúrdeli jóndeý jumystaryna baılanysty ýaqytsha jabylady (FOTO)

Elordanyń sol jaǵalaýynda ornalasqan «Nur Astana» meshiti jumysyn ýaqytsha toqtatady.

«Nur Astana» meshitinde qaıta jóndeý jumystary bastalǵany buǵan deıin habarlaǵan bolatyn. Qazir qulshylyq úıiniń shatyry, munarasy men qabyrǵalaryna kúrdeli jóndeý jumystary júrgizilýde.

Kelýshi jamaǵattyń qaýipsizdigin eskere otyryp, ári qurylys jumystarynyń kedergisiz júrýine jaǵdaı jasaý maqsatynda meshit ákimshiligi qulshylyq úıin ýaqytsha jabýǵa sheshim qabyldady. Meshittiń ashylýy jaıly aqparat aldaǵy ýaqytta qosymsha jarııalanady.