Naýryzbaı qajy Taǵanuly Serikke erekshe syılyq jasady (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna jasaǵan resmı is-sapary aıasynda jergilikti ımamdarǵa dáris oqyp, jamaǵatpen júzdesti. Sonymen qatar qaıyrymdylyq sharasyna qatysty.

Bas múftı jastaıynan taǵdyr taýqymetin tartyp, synaqqa dýshar bolǵan Jańaózen qalasynyń turǵyny Serik Saǵyzbaevty erekshe qýanyshqa bóledi. Oǵan jattyǵý jasaýǵa arnalǵan velosıpedti óz qolymen tabystap, Alladan shıpa surap, duǵa jasady.

«Synaq ómirde ár adam ártúrli deńgeıde synalady. Taǵdyrǵa ıman etken pende Allanyń synaǵyna sabyr saqtap, saýabyn úmit etip, jasylyqtan kúder úzbeıdi. Alla Taǵala Serik baýyrymyzǵa shıpa berip, bereketin jaýdyrsyn», - dedi Bas múftı Naýryzbaı qajy Taǵanuly.

Qýanyshtan kózine jas alǵan Seriktiń anasy alǵysyn aıtyp, batasyn berdi.

​