NAIB MÚFTI HALYQARALYQ JIYNǴA QATYSTY
Mysyr Arab Respýblıkasy Pátýa berý ortalyǵynyń uıymdastyrýymen 12-13 tamyz kúnderi Kaır qalasynda «Jasandy ıntellekt dáýirinde durys pátýa berýdiń ádis-tásilderi» taqyrybynda X halyqaralyq ǵylymı-tanymdyq konferentsııa ótti.
Eki kúnge sozylǵan alqaly jıynǵa álemniń 70-ke jýyq elinen múftıler, ǵalymdar men sarapshylar qatysty. Konferentsııaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń tapsyrmasymen Qazaqstan musylmandary dinı basqarmasy atynan eki ókil – Tóraǵa orynbasary, naıb múftı Kenjetaı Dúısenbaı jáne Dinı bilim jáne kadr daıarlaý bóliminiń meńgerýshisi Hasan Amanqul qatysty.
Basqosýda jasandy ıntellekttiń qarqyndy damýy jaǵdaıynda pátýa berýdiń mańyzdylyǵy men jaýapkershiligi, sondaı-aq ony tıimdi paıdalaný joldary jan-jaqty talqylanyp, pikir-usynystar ortaǵa salyndy.
Sapar aıasynda Qazaqstan delegatsııasy ál-Azhar halyqaralyq akademııasynyń basshysy professor Muhammad ad-Dýaınımen kezdesip, ımamdardyń bilimin jetildirý máselelerin talqylady. Sondaı-aq Hýsamýddın as-Syǵanaqı ıslam ınstıtýty Quran ıjazasy ortalyǵy men medrese-kolledjderge mysyrlyq ustazdardy jiberý jóninde kelisimge qol jetkizildi.
