Múftııat Maqtaaralǵa 10 mln teńge qarjy aýdardy (FOTO)

Búgin Túrkistan oblysynyń Maqtaaral aýdanyna kelgen Bas múftı Naýryzbaı qajy Taǵanuly jergilikti jurtshylyqqa kómek retinde 10 mln teńgeniń sertıfıkatyn tabystady.

«Halqymyz «Qaıyrymdylyq jasasań – qaıyryn óziń kóresiń» deıdi. Biz sizderge oblystaǵy meshitterdiń qoldaýymen azyq-túlik tıelgen júk kóligimen keldik. Jýyrda «Zeket» qorynyń uıymdastyrýymen, oblystaǵy meshitterdiń atsalysýymen 10 mıllıon teńge qarjylaı kómekti «Túrkistan korporatıvtik áleýmettik damý qoryna» aýdardyq. Qaıyrymdylyq istiń basy-qasynda júrgen «Zeket» qorynyń ókilderine, barsha din qyzmetkerine, jekelegen azamattarǵa alǵys aıtamyn. Alla bul synaqty jaqsylyqqa ulastyrǵaı», – dedi Naýryzbaı qajy Taǵanuly.

Kezdesý sońynda Bas múftı maqtaaraldyq aǵaıyn úshin arnaıy duǵa jasady. QMDB «Zeket» qorynyń dırektory Talǵat Omarovtyń aıtýynsha, ıgi iske aımaqtaǵy qor ókilderi men ımamdar atsalysqan.