MEShIT ShÁKIRTTERI OTANDYQ «MUZBALAQ» MÝLTFILMIN TAMAShALADY (FOTO)

Búgin Elorda tórindegi «Áziret Sultan» meshitinde «Imanı jaz-2023» jazǵy saýat ashý kýrsynda bilim alyp jatqan bala shákirtter  QMDB ǵımaratynda qonaqta bolyp, Dinı basqarmanyń kontsert zalynda otandyq «Muzbalaq» mýltfılmin tamashalady.

Birneshe sheteldik festıvalderden «Úzdik anımatsııalyq fılm» júldesin jeńip alǵan mýltfılm balalardyń kóńilinen shyǵyp erekshe áser qaldyrdy. Mýltfılmde búrkit pen adamnyń dostyǵy arqyly adaldyq pen erlikti nasıhattap, satqyndyq pen kórealmaýshylyqtyń adam súımeıtin teris áreketter ekenin aıqyn kórsetken.

Sonymen qatar, týyndyda qazaq salt-dástúri erekshe kórinis beredi. Sheshendik sózder men taýyp aıtylǵan tirkester jas urpaqtyń sanasynda jattalary daýsyz.

Búldirshinderdiń qolynan túspeıtin smartfon ishinde jaqsy-jaman súzgiden ótpeıtinin eskersek, tárbıelik máni bar anımatsııalyq fılmderdi kórsetý mańyzdy ekenin atap ótý kerek.

Osylaısha, «Áziret Sultan» meshitindegi jazǵy saýat ashý kýrsynyń shákirtteri mýltfılm kóre otyryp tanym kókjıekterin keńeıtip, rýhtana tústi. Aıta keteıik, meshitimizde «Imanı jaz – 2023» jazǵy saýat ashý kýrsyna bıylǵy jyly 600-ge jýyq shákirt qabyldanǵan bolatyn. Arnaıy bekitilgen kýrs sabaqtarynan bólek, bala shákirtter úshin osyndaı mádenı sharalar, sporttyq oıyndar, qoǵam qaıratkerlerimen paıdaly kezdesýler uıymdastyrylyp keledi.

Источник: Aidos