«Máıit shyqqan úıge kóp adam kelmesin»
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordada Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte Abaı Qunanbaıulynyń Semeıde juqpaly indettiń taraǵan kezde, qandaı qadam jasaǵanyn mysalǵa keltirdi.
«Abaı Qunanbaıuly Semeıge kelgen bir saparynda shaharda juqpaly indettiń tarap jatqany jaıynda jaısyz habar estıdi.
Birinshi kezekte, Abaı halyqqa janaza rásimderin ótkizýge qatysty birqatar ózgeris jasaýdy túsindirý keregin uqty. Mine, osy tusta ol ózi biletin Sarmolla esimdi moldany shaqyryp, oǵan halyq juqpaly aýrýdan saqtaný úshin janaza, hatym, astardy az adammen ótkizýdi jurtqa túsindirý keregin jetkizedi.
Sarmolla: «Qaza bolǵan adam úıine, janazaǵa halyq az jınalsyn. Máıit shyqqan úıge kóp adam kelmesin. Ol úıde as ishý, halyqqa taǵam taratý, jetisin, qyrqyn jasaý ýaqytsha toqtalsyn!» degen sózin jetkizedi. Biz tarıhtan sabaq alǵan, soǵan amal etken elmiz», - dedi Bas múftı.
