«KÓKTAL» MEShITI ZAǴIP JANDARǴA TURAQTY TÚRDE DÁRIS KEShTERIN UIYMDASTYRYP KELEDI (FOTO)

Astana qalasyndaǵy «Kóktal» meshiti kórý qabileti shekteýli azamattarǵa arnalǵan ıgi jobalardy turaqty túrde júzege asyryp keledi. Atap aıtqanda, meshit ujymy zaǵıp jandarǵa arnaıy dinı dárister ótkizip, olarǵa rýhanı qoldaý kórsetýdi jolǵa qoıǵan.

Meshit qyzmetkerleri eki aptada bir ret Astana qalasynyń kózi kórmeıtin jáne nashar kóretin azamattarǵa arnalǵan arnaıy kitaphanasyna kelip Quran aıattary men hadıster, aqıda jáne fıqh máseleleri boıynsha dárister oqıdy. Sabaq Braıl júıesi boıynsha júrgiziledi.

Bul sharanyń basty maqsaty – zaǵıp jandardyń dinı bilimge degen qoljetimdiligin arttyryp, olardy qoǵam ómirine belsendi aralastyrý. Sonymen qatar, dáristerden keıin shaı ústinde rýhanı suhbattar men yntymaqtastyqty arttyratyn kezdesýler ótkizilip turady.