Kók týymyz kókte jelbirep, Ánuranymyz árkez shyrqala bersin!
4 maýsym – memlekettik rámizder kúni. Bul – jastarymyzdy otanshyldyqqa tárbıeleýdiń oraıly sáti.
Asyl dinimiz Islam rámizderge erekshe mán beredi. Ardaqty Paıǵambarymyz Muhammed (oǵan Allanyń salaýaty men sálemi bolsyn) musylman úmbeti úshin mańyzdy oqıǵalar kezinde tý men jalaý ustaǵan. Hadıs ǵalymdary óz kitaptarynda tý men jalaýǵa qatysty arnaıy taraý arnaǵan.
Otan – qurmet pen baǵalaýǵa laıyqty qundylyq. Ánuranymyz shyrqalǵanda ornymyzdan turyp, qurmet kórsetetinimiz sondyqtan. Bul – musylman memleketterinde kórinis tapqan jaqsy úrdis. Sharıǵatymyz memlekettik tý kóterilgende, ánuran oryndalǵanda qurmet kórsetýge ruqsat beredi.
Memlekettik rámizder – ár azamatqa erekshe jiger men patrıottyq sezim syılaıtyn qundylyqtar. Kók týymyz kókte jelbirep, ánuranymyz árkez shyrqalyp, eltańbamyz eldigimiz ben birligimizdiń sımvolyna aınalǵaı.
Alla Taǵala urpaǵymyzdy ımandy, ultjandy etip, elimiz ben jerimizdiń bolashaǵy jolynda aıanbaı eńbek ete berýin násip etkeı. Táýelsizdigimiz tuǵyrly, halqymyz ǵumyrly bolǵaı. Ámın!
Naýryzbaı qajy TAǴANULY
QMDB Tóraǵasy, Bas múftı
