«Halal damý» qus fabrıkalaryn tekserdi (FOTO)

Almaty óńirinde sertıfıkattaýdan ótken kásiporyndardy tekserý maqsatymen arnaıy issaparda júrgen «Halal Damýdyń» komıssııa músheleri Almaty oblysynda ornalasqan «Alataý-qus», «Alel Agro», «Sarybulaq qus» fabrıkalaryndada josparly baqylaý-qadaǵalaý jumysyn júrgizdi.

Tekseriske QMDB «Halal Damýdyń» dırektory Aıbek Atashev, ınspektor-kontrolerlar Janábil Jumabekov, Chadaev Marathan, bas tehnolog Aıjan Omarova qatysty. Tekseris barysynda bekitilgen sharıǵat jáne standart talaptarynyń saqtalýy men oryndalýy qadaǵalandy.

Baqylaý barysynda qus azyǵynyń ruqsat etilgen, taza bolýy, sýly vanna temperatýrasynyń standartqa sáıkes kelýi, qusty tek «Bısmıllah» aıtyp, qolmen baýyzdaý, baýyzdaǵannan keıin standart talaptaryna saı bekitilgen qan aǵyzý erejeleriniń oryndalýy basty nazarǵa alyndy. Halal ónimderdi óndirý, óńdeý, daıyndaý, saqtaý, tasymaldaý, satýǵa qoıylatyn jalpy standart talaptarynyń oryndalýy, sondaı-aq óndiris aımaǵynyń sanıtarlyq talaptarǵa saı bolýy da tekserildi.

Qus fabrıkalaryna júrgizilgen baqylaý jumystary barysynda biraz kemshilikter de anyqtaldy. Aıbek Asqarbekuly aıtylǵan eskertýlerdi jedel túrde túzetý kerektigin, bekitilgen merzimde júzege aspaǵan jaǵdaıda  sertıfıkat kúshi joıylatynyn jetkizip, eskertýlerdiń oryndalýyn jergilikti ókil Janábil Jumabekovke tapsyrdy.