Kezekti onlaın Tóralqa májilisi ótti (FOTO)

Búgin elordada Bas múftı Naýryzbaı qajy Taǵanulynyń tóraǵalyǵymen kezekti onlaın Tóralqa májilisi ótti.

Májilistiń kún tártibinde halyqtyń suranysy men ótinishine oraı qajetti óńirlerde meshit salý, meshitterde sanıtarlyq talaptardy saqtaý, qulshylyq úılerine kezekti dezınfektsııa sharalaryn júrgizý, t.b. máseleler talqylandy.

Tóralqa májilisinde QMDB Tóraǵasy Naýryzbaı qajy Taǵanuly meshitti salý kezinde múftııat tarapynan bekitilgen arnaıy tártip erejesin saqtaýǵa, qulshylyq úıleriniń qujatyn óz ýaqytynda rásimdeýge nazar aýdardy.

Basqosýda oblystyń bas ımamdary Bas múftıge óńirdegi dinı ahýaldy baıandap berdi.

Onlaın Tóralqa májilisi sońynda Naýryzbaı qajy Taǵanuly QMDB Ortalyq apparaty men oblys bas ımamdaryna naqty tapsyrmalar berdi.